موضوع ولا في الأحلام : : : : شوف أحدث جهاز كمبيوتر

أصدقائي الأعزاء أحب أن أقدم لكم هذا الموضوع وذلك لنشر الأستافدة بيننا جميعا وللتقدم بمنتدانا الغالي نحو الأمام.

طبعا كلنا بنحب نسمع عن أخر أخبار عالم الكمبيوتر واللى أكيد بنستفيد منها الكثير والكثير,
وعلشان كده أنا حبيت أكتبلكم الخبر دا اللى بصراحه هايدهشكم كتير قوى بجد خبر مذهل أنا ذات نفسى لسه لسانى طالع لحد دلوقتى من كتر الذهول :harhar10:
المهم الخبر هو أحدث ماتوصلت أليه شركة Microsoft لأجهزة الكمبيوتر وهو جهاز يطلق عليه
Surface Computer

كلنا طبعا أتفرجنا على فيلم (Minority Report) وكلنا كنا بنتفرج على الفيلم ونشوف توم كروز عمال يستهبل ويعد يقلب فى الصور ويكبر ويصغر فيها بأصابع أيده وكمان بيتفرج على مقاطع الفيديو ويقدم ويأخر فى المقطع برده بأصابع أيده
هو دا اللى شركة مايكروسوفت عملته لينا علشان تجننا أكتر .:crazy000:

الجهاز دا فعلا نسخة من اللى شفناه فى الفيلم . ممكن تتحكم فى الصور زى ما أنت عايز تكبر الصورة تصغرها تشقلبها , وكمان ممكن تتحكم بملفات الفيديو برده زى ما أنت عايز تقدم وتأخر الفيلم تكبره وتصغره ودا كله بصوابع أيدك ومش بصابع واحد زى ما أحنا متخيلين شاشة اللمس المعروفه لا بصوابعك كلها يعنى صباح الجنان
دا غير كمان أنك ممكن تصور صوره بكاميرا ديجيتال (Wireless) وتضع الكاميرا فقط على الجهاز فيقوم بسحب الصورة الملتقطه ويظهرها لك على الشاشه من غير ولا سلك ولا دياولو ( مش بقلكم صباح الجنان) :harhar10:
خدو دى كمان أنت كمان ممكن تضع التيليفون بتاعك على الشاشه بس يكون برده Wireless فيقوم الجهاز بالتعرف عليه وعلى نوعه وبعدين تاخد الصوره اللى أنت صورتها بالكاميرا وتحدفها بصوابعك ناحية التيلفون فتتنقل للتيليفون بدون لا توصيل ولا أى حاجه خالص .
دا غير كمان أمكانيات تانيه كتيييير مذهله .

بصراحه أنا حسييت بيكم بتقولوا أيه الجدع المجنون ده دا شكله جاي من كوكب تاني أو بيحلم وهو صاحي.
لايجماعه والله دا اللى حصل ولو مش مصدقين أنا جبتلكم كام فيديوا بيحكى كل اللى أنا قايلو ده وكمان شوية صور ممكن تتصبروا بيها لحد ماتحمل الفيديو .
وأدى شوية الصور .









بس فى تحذير بسيط قبل مشاهدة الفيديو ( لا يسمح بمشاهدة الفيديو كل من هو أعصابه خفيفه لآنه عقله بعد مشاهدة الفيديو هايطير :harhar10: ) .
أسيبكم تعيشوا مع الفيلم .
أول فيديو بيشرح الموضع بشكل عام

أما الفيديو ده فبيشرح طريقة التعامل مع الصور بوجه خاص


أما الفيدو التانى فدا بقى مشكله فهو عبارة عن مبارة شطرنج مابين أتنين واحد فى بلد والتانى فى بلد تاني خالص وبيتلعب الماتش بطريقه غيربه قوى أسيبكم تتفرجوا عليه


ودا كمان فيديو لبيل جيتس وهو بيقوم بعرض الجهاز وأمكانياته



أما عن مواصفات الجهاز فهى كالتالى :
الشاشه 30 بوصه
يشتغل على 110/120 فولت
يعمل على نظام ويندوز فيستا
بلوتوث الأصدار 2.0

wireless 802.11 b/g
Ethernet 10/100


دلوقتى يجي دور السؤال ده كيف يعمل الجهاز؟
الجهاز ده بيتكون من أربعة اجزاء رئيسيه



1- الشاشه : وهى عبارة عن شاشة مجهزه للعمل عليها باللمس ولكن ليس بالطريقه العادية وهى بأخذ الأوامر من أصبع واحد فقط ولكن بطريقه أحدث بكثير فهى لن تأخد الأوامر من أصابع اليد الكامله لشخص واحد ولكن يمكنها أن تأخذ الأوامر من أصابع اليد الكامله لعدة أشخاص وفى نفس الوقت.

2- الكاميرات : وهى كاميرات تعمل بالأشعة تحت الحمراء تقوم بالتعرف على أى شيء يوضع فوق الشاشه مثل أصبع اليد, كاميرا, تيليفون, كوب ماء,...... وهكذا وتتم هذه لطريقه كتالى
يوجد على الشاشه أضاءة من لمبه والطول الموجي لهذا الضوء هو 850 نانومتر. عند وضع أى شيء على الشاشه فأن هذا الضوء ينعكس على الجسم فيرتد الى الكاميرات التى تعمل بالأشعة تحت الحمراء فتقوم بالتعرف على هذا الشيء كلام كبير قوى اللى بيتقال ده.

3- وحدة المعالجة الرئيسيه CPU: وهى مثل أى جهاز كمبيوتر تتكون من بروسيسور ورامات وكارت شاشة وأمكانيات هذا الجهاز كالتالي
Core 2 due processor
2GB of RAM
256MB graphics card
ويتم التواصل بين الجهاز وبين الأجهزة الأخرى عن طريق
WiFi and Bluetooth antennas
كما يعمل هذا الجهاز على ويندوز فيستا .

4- البروجيكتور : وهو ألة العرض والذى يقوم بدرو البث على الشاشة بدقة عرض تصل الى
1024*268


فاضل أنى أقولكم على سعر الجهاز المتوقع, الجهاز متوقع أن يبدأ سعره فى حدود 5000 دولار رقم كبير طبعا بس أحنا ملنا أحنا بنحب نتفرج وبس

والجهاز سوف يتم طرحه فى الأسواق فى نهاية هذا العام
وفى النهاية أرجوا أن يكون الخبر عجبكم