ايه اخبار الامتحانات؟؟؟؟؟؟؟؟؟

عليكم السلام و رحمة الله و بركاته


يا ريت فعلا كل واحد يدخل و يقول الامتحانات عنده كانت عاملة إزاي...
أنا بالنسبة لي الامتحانات كانت حلوة الحمد لله..ما اقدرش اقول سهلة لكن كمان مش صعبة...

مشكورة جوليت على السؤال...

أنا كمان لي سؤال:
يا ترى كل واحد اختار تقسيمة المواد في تانية و تالتة إيه؟؟

أنا الحمد لله الامتحانات عندى كانت كويسة وعقبال الباقى ان شاء الله مشكورة جدا أختى على سؤالك وأتمنى للجميع النجاح والتوفيق لهذا العام أما بالنسبة لتقسيمة مواد تانية وتالتة فلم أحدد لها بعد  ,ربما بعد الامتحانات ان شاء الله ادعولى بقى علشان غدا عندى امتحان أحياء ولكم جميعا أرق و أبلغ تحياتى أراكم فى القريب العاجل ان شاء الله ...

طيب الحمدلله
ربنا معاكو كلكو
بالنسبه للمستوى الرفيع فعلا هو مشكله وده عن تجربه شخصيه بس في الاخر انا اخترت احياء بس بجد الاحياء مليانه جدا بس مش وحشه اوي اما عن امتحاناتها في المستوى فمقدرش اقولك استناني 6/7 هكون ان شاء الله امتحنتها واقدر اقولك امتحانها عامل ازاي
بالنسبه للماده الادبيه فعلا الناس قالت على علم نفس كويس بس حفظ كتير
عشان كده انا اختارت اقتصاد واحصا وعلى فكره اقتصاد واحصاء ماده سهله جدا يخلصو في شهرين بالكتير دروس لكن علم نفس على مدار السنه كلها بس المشكله ان الواحد بيخاف من امتحانات الاحصاء تيجي صعبه لكن الاقتصاد امتحاناته كويسه وبرضو ان شاء الله اقولك على امتحان الاحصا عامل ازاي يوم 1/7
عمتا لسه قدامك فرصه تفكر تاني في اختيار المواد وربنا يوفقك

انا في الغالب هاخد اقتصاد و احصاء
لكن الناس تشكر كتير في الفلسفة و علم النفس لإنها مضمونة...


كمان ماذا عن المادة التطبيقية(المجالات)؟؟

الماده التطبيقيه انا كنت واخداها زراعه
بصراحه هي اكتر حاجه مضمونه وسبحان الله جبت فيها الدرجه النهائيه
هي بتبقى ملزمه كده تحفظها وخلاص وبتمتحنها قبل الامتحانات الاساسيه فعندك فرصه كبيره تحفظ الملزمه بتاعتها
الامتحان بيبقى حاجه تافهه اوي تدخل تشوف نبات وتقول اسمو ايه وتشوف ادوات زراعه وتقول اسمها ايه يعني حاجات انت تعرفها لوحدك غير ان مفيش حد ينقص في الزراعه لانك لو محلتش حاجه بتنجح برضو
بس المشكله الوحيده ان لازم تبقى عامل كشكول زراعه او تظبت مع مدرس او مدرسة الزراعه الدرجات
هههههههههههه

الامتحانات زى الفل وان شاء الله هقضى اجازة سعيدة
اما بالنسبة لخالد

keko_ferkeko كتب:

انا في الغالب هاخد اقتصاد و احصاء
لكن الناس تشكر كتير في الفلسفة و علم النفس لإنها مضمونة...


كمان ماذا عن المادة التطبيقية(المجالات)؟؟

فلسفة و علم النفس ضرب نار كل اللى اعرفهم بيشدوا شعرهم
والاقتصاد و الاحصاء يبقى احلى مع عملى رياضة

بالتوفيق لنا جميعآ و كل واحد يدخل الكلية اللى بيحبها

وانا الحمد لله خلصت الامتحانات وخد النتيجة كمان والحمد لله اجخذت مركز متقدم جدااااا على المدرسة


بس انا لية اقتراح بان كل واحد يكتب مجموعه ثم نعمل امتياز للاول على كل صف

وانا هبدا الان
مجموعى 260من 280
وفى المركز الثانى على المدرسة فى الصف الثانى الاعدادى

وبالمناسبة دى صورة لكل من يريد ان يحبط

احمد عاطف كتب:

وانا الحمد لله خلصت الامتحانات وخد النتيجة كمان والحمد لله اجخذت مركز متقدم جدااااا على المدرسة


بس انا لية اقتراح بان كل واحد يكتب مجموعه ثم نعمل امتياز للاول على كل صف

مبروك النجاح واما بالنسبة للاقتراح هو مش ...........................................
حلو

احمد عاطف كتب:

وانا هبدا الان
مجموعى 260من 280
وفى المركز الثانى على المدرسة فى الصف الثانى الاعدادى

ممتاز يا احمد انا كنت جايب 200 حاجة وتلاتين

احمد عاطف كتب:

وبالمناسبة دى صورة لكل من يريد ان يحبط

صورة جميله

طيب ربنا معاكو
ومبروك النجاح
ومن تقدم الى تقدم ان شاء الله
وعندي طلب بقه انا عايزه كل اللى في المنتدى يدعولي عشان انا لسه هبدأ يوم 13/6 والله اعلم الامتحانات هتكون عامله ازاي السنه ديه

اوك انشاء الله بالتوفيق وربنا معاكى